بوگون ۱۶-اکتبر خلق‌ارا ییمک کونی گه ماس دیر. اوشبو کوندن شونده‌ی بیرحالده نشانلنه‌دی که، افغانستان ده میلیون‌لرچه کیشی قشاق‌لیکدن جدی شکلده رنج ایلتماقده‌لر.
بیرلشگن ملت‌لر تشکیلاتی نینگ افغانستان خصوصیده‌گی ینگی گزارشی اساسیده، حاضر اوشبو مملکت یشاوچیلردن ۱۹ میلیونی ییترلی ییمککه قول تاپه‌آلمه‌یدیلر که اوشبو مسئله افغانستان ده انسانی وضعیت گه تیگیشلی مذکور تشکیلات خواطری نینگ کوپه‌یشی گه سبب بولگن.
بیزلرنینگ توییترده هم تعقیب قیلینگ!
باشقه بیر تامان‌دن، افغانی قیزیل آی جمعیت مسئوللری نینگ ایتیش‌لریچه، افغانستان یشاوچیلریدن ۱۰ میلیونی عاجل یاردم‌لر گه نیازی بار.
افغانی قیزیل آی جمعیتی سوزلاوچیسی عرفان‌الله شرف‌زوی نینگ ایتیشیچه، مملکت یشاوچیلریدن یریمی‌دن آرتیغی قشاق‌لیک بیلن روپه‌ره دیر.
عین حالده، اقتصادی مسئله‌لر بیلرمان‌لری مملکت‌ده‌گی حاضرگی وضعیت سببی نی ایش‌سیزلیک عنوان قیلیب و تاکید قیلگن که، مملکت‌ده ایش زمینه‌سی کوپه‌یشی بیلن قشاق‌لیک سطحی نینگ کمه‌یشی ممکن.
بیزلرنینگ فیسبوک صحیفه‌میزگه باش اورینگ!
اقتصادی مسئله‌لر بیلرمانی عبدالنصیر رشتیا نینگ ایتیشیچه، حاضرگی انسان‌دوستلیک یاردم‌لر هیچ درد نی درمان قیلمه‌دی و قشاق‌لیک نینگ اورته‌دن کیتکزیلیشی اوچون، سرمایه یاتقیزیلیشی و ایش زمینه‌سی ایجاد بولیشی کیره‌ک.
شونده‌ی بیرحالده، آچلیک اوچون دنیا ییمک برنامه‌سیده‌گی رتبه‌بند‌لیکده، ۱۲۱ ممکلت آره‌سیده افغانستان ۱۰۹-رتبه‌‌ده قرار تاپگن.
