اسلامی امارت افغانستان نینگ ۳ هوا قونالغهسی مدیریتینی بیرلشگن عرب امیرلیگی «گاک» شرکتی گه تاپشیردی. ترانسپورت و ملکی هوانوردلیک وزیرلیگی نینگ معینی غلام جیلانی وفا، کابل، هرات و قندهار هوا قونالغهلری مدیریت بولیش قرارداداینی امارتی شرکت مدیری رزاق اسلم بیلن امضالهدی.
اوشبو لایحه بوگون (سهشنبه، ۳ جوزا)، باش وزیر نینگ بیرینچی اورین باسری عبدالغنی برادر، معلومات و مدنیت وزیرلیگی نینگ سرپرستی خیرالله خیرخواه و اسلامی امارت باشقه بیرقطار رسمیلری نینگ حضوری بیلن امضالندی.
بیزلرنینگ فیسبوک صحیفهمیزگه باش اورینگ!
اوشبو ییغینده باش وزیر بیرینچی اورین باسری نینگ ایتیشیچه، اسلامی امارت مملکت اقتصادی قوللب_قوتلنیشی مقصدیده مذکور قرارداد بیلن خلقارا هوایی برچه شرکتلر افغانستان گه پروازلرینی باشلب و اولر بیلن تجارت میزانینی کوچهیتیریش اوچون تلاش قیلماقدهلر.
بوندن آلدین، تورکیه و قطر آمریکا قوشمه ایالتلری بیلن مشترک روشده، مملکت هوا قونالغهلری مدیریتینی تن آلیشلری ایتیلگن ایدی. تورکیه تشقی ایشلر وزیری مولود چاووش اوغلو، تورکیه بیرلشگن عرب امیرلیگی و قطر بیلن، کابل خلقارا هوا قونالغهسینی قوشمه روشده مدیریت قیلیشنی اعلام قیلگن ایدی.
بیزلرنینگ توییترده هم تعقیب قیلینگ!
شونینگدیک تورکیه تشقی ایشلر وزیری میدیالر بیلن اوتکزگن صحبتیده، تورکیه قطر بیلن کیلیشیب و تورکیه نینگ تخنیکی هیأتی قطر بیلن هماهنگ بولیش اوچون دوحه گه باریب و مذکور هیأت کابل گه سفر قیلگنینی اورغولهگندی. بیراق او بوتوغریده اسلامی امارت بیلن کیلیشیلمهگنینی تأکید ایتگن ایدی.
