اسلامی امارت سوزلاوچیسی و معلومات و مدنیت وزیرلیگی نینگ نشراتی ایشلری بوییچه معینی ذبیح‌الله مجاهد، افغانستانده بشر حقوقی وضعیتی باره‌سیده آمریکا قوشمه ایالت‌لری تشقی ایشلر وزیرلیگی نینگ ییل‌لیک گزارشی‌گه مناسبت بیلدیریب و اونی اساس‌سیز(ناتوغری) دیگن.
مجاهد بوگون بامداد چاغی (پنجشنبه، ۲۵حمل)، توییتری‌ده یازیشیچه، افغانستانده بشر حقوقی «آمریکالیک اشغال‌گرلر و متحدلری کونیده ۲۰۰ افغان‌نی اولدیریب، اهالی اوی‌لرینی بمباردمان قیلیب، عیال‌لر و باله‌لر گه ظلم قیلیب، کیچه تاماندن مردم‌نی قماقه آله‌دیگن زمانده ایاغ آستی بولگن ایدی.» اسلامی امارت سوزلاوچیسی نینگ ایتیشیچه: «مشروع بشری برچه حقوق تأمینلنگن و بو توغریده‌گی تشویش‌لر اساس‌سیز دیر. افغانستان اسلامی امارت اهالی نینگ بوتون اساسی حقوق‌لرینی تأمینله‌گن و تأمین ایتیشی ممکن.»
بیزلرنینگ فیسبوک صحیفه‌میزگه باش اورینگ!
بو عین‌حالده، آمریکا تشقی ایشلر وزیرلیگی ینگی‌لیکده ییل‌لیک گزارشی‌ده، افغانستان اسلامی امارت حاکمیت‌نی قولگه آلیشی بیلن، افغانستان بشری حقوق و دموکراتیک یوتوق‌لریدن اوزاقلب و بشری انقراض گه روپه‌رو بولگنینی ایتگن.
مذکور وزیرلیک نینگ کوپه‌یتیریشیچه، افغانستانده اسلامی امارت حاکم بولیشی بیلن، اوشبو مملکتده بشر حقوقی بوتونلی ایاغ آستی بولگن. گزارش‌ده کیلیشیچه: «… عیال‌لر، اعتراضچیلر و خبرچی‌لر نینگ اوز باشیمچه‌لیک قولگه آلیش و شونینگدیک قصاص آلیش و تعلیم و سیاست ساحه‌لریده خاتین قیزلر نینگ آلدینی آلیش، اسلامی امارت زمانیده بشر حقوقی ایاغ آستی بولگن موردلردن دیر.»
آمریکا تشقی ایشلر وزیرلیگی اوشبو گزارشی‌ده، اسلامی امارت‌نی قدرت‌نی قمراوگه آلیش‌گه عیبلب ایتیشیچه، باشقه آزچیلیک قوم‌لر مذکور حکومت نینگ کابینه‌سیده اورنی یوق دیر.
بیزلرنینگ توییترده هم تعقیب قیلینگ!
باشقه تاماندن، ینگی‌لیکده فرانسه پارلمانی نماینده‌لریدن ۵۰ ته‌سی، اوشبو مملکت جمهور باشلیغی گه یوللـه‌گن مکتوب‌لریده، اسلامی امارت رسمی‌لری نینگ خارجی سفرلرینی تحریم قیلیشینی سوره‌گن‌لر. مذکور مکتوب‌ده، اسلامی امارت رسمی‌لری وعده‌لری گه عمل قیلمه‌گونچه باسیم آستیده آلینیشی طلب قیلینگن.
