د اوکراین په شمال لوېدیځ د اوفریج ښار د اورګاډي په تمځای د چاودنې له امله لږترلږه ۴ کسان وژل شوي او ۱۲ نور ټپيان دي.
سیمه کې پولیسو خبر ورکړی چې د چاودنې پېښه د مسافرو د اسنادو د کتنې پرمهال رامنځته شوې ده.
د پولیسو په وینا، چاودنه هغه مهال رامنځته شوه چې یوه ۲۳ ځوان چې د خارکېیفښار اوسېدونکی دی، له ځان سره لاسي بم ته چاودنه ورکړه.
د وژل شویو کسانو په منځ کې درې ښځې شاملې دي او په راپورونو کې راغلي چې یو سرحد ساتونکی هم وژل شوی دی. ټپیانو کې دوه کسان د سرحدي ساتونکو له ډلې او پاتې ملکیان دي.
پولیسو ویلي چې تراوسه د برید موخه روښانه نه ده او د دې پېښې او د اوسني جګړې ترمنځ کومه پېوستون نهدی موندل شوی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د پېښې ځای، د اوکراین شمال لوېدیځ کې د ژیټومایر اوبلاسټ ولایت د کوروسټن ولسوالي پورې تړلی دی او سیمه د بلاروس پولې ته نږدې موقعیت لري.
پولیس، تخنیکي ډلې او د چاودېدونکو موادو متخصصین سیمه د چاودنې د علت او څرنګوالي روښانولو لپاره پر عملیات بوخت دي.
دې پېښې د عامه ترانسپورت په امنیت کې د اندېښنې فضا راڅرګنده کړې، په ځانګړي ډول په هغو سیمو کې چې سرحدي او ترانزیتي لارې لري.