د خوړو نړیوال پروګرام WFP مشر جان ایلیف د عامې روغتیا وزیر نورجلال جلالي سره لیدنه کي ویلي، د کونړ له زلزله ځپلو او راستنېدونکو افغانانو سره د مرستو او همکارۍ پلان لري.
د عامې روغتیا وزارت تېره ورځ پر اېکسپاڼه لیکلي چې هغه افغانستان سره د تغذیې په برخه کې د خپلو مرستو د دوام او پراختیا ډاډ هم ورکړی.
دې سره، د عامې روغتیا وزیر نورجلال جلالي هم دغه لیدنه کې د عامه تغذیې خدماتو پراختیا د هېواد له مهمو روغتیايي اړتیاوو څخه بللې.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه ویلي، دې برخه کې مرستې باید لا منظمې، دوامداره او د خلکو د واقعي اړتیاوو پر بنسټ تنظیم شي.
هغه زیاته کړې چې له نړیوالو مرستندویه بنسټونو سره د همغږۍ او ګډو همکاریو پراختیا ته ژمن دی، څو وکولی شي د روغتیا په ټولو برخو کې خلکو ته باکیفیته او اغېزمن خدمات وړاندې کړي.
همدارنګه یاده لیدنه کې د خوړو نړیوال پروګرام د روانو فعالیتونو او مرستو، د عامه تغذیې پروګرامونو د لاښهوالي او اغېزمنتیا، د راتلونکو پلانونو او همکاریو څرنګوالي او یو شمېر نورو موضوعاتو په اړه بحث او خبرې شوي دي.