د پکتيا پوهنتون څخه نن یکشنبه، لیندۍ ۱۶مه، په خپره شوې خبرپاڼه کې ویل شوي چې په ياد پوهنتون کې د شپږ میلینونه افغانیو په لګښت د برښنارسونې برخه کې د يوې پروژې چارې پيل شوې.
خبرپاڼه کې راغلي چې په ياده پروژه کې برښنایي ترانسفرمر نصب، تجهیزات او د برښنا غځونې ټولې چارې پهکې شاملې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
خبرپانه کې زياته شوې چې په دغه پروژه کې (۸۰۰) کیلو واټه برښنايي ټرانسفرمر، سمنټي او فلزي پایې، د برښنا غځونې بېلابېل کېبلونه غځول کېږي چې ورسره به د پوهنتون برښنا په معیار برابره شي.
له قرار دادي شرکت هم غوښتنه شوې چې دغه پروژه په خورا منظم ډول ترسره کړي، څو ورسره د برېښنا په برخه کې د پوهنتون شته ستونزې حل شي.