د زابل ځايي مسوولان وايي، دغه ولایت کې د اړمنو سیمو لپاره د «الهلال الأحمر القطري» بنسټ په مالي ملاتړ د څښاک پاکو اوبو رسولو پروژې چارې پیل شوې.
د څښاک اوبو رسولو د دغې پروژې چارې په دریو ماشتو کې بشپړیږي او شاوخوا ۹۳ زره ډالره لګښت پرې راځي.
د دغې پروژې له مخې به، د زابل په ۹ بېلابېلو سیمو کې ۹ څاګانې وکیندل شي چې هره څاه به د سولر سیسټم، اوبو زېرمه کولو ټانکۍ او ټولو اړینو وسایلو سره مجهزه وي.
د پروژې تطبیقکوونکي انجنیر محمد امین رحیمي وویل:
«دا پروژه د قطر د خلکو له مرستو تمویلېږي او ټولټال شاوخوا ۲۰ څاګانې پهکې شاملې دي چې ۹ به په زابل او پاتې ۱۱ به کندهار ولایت کې وکیندل شي .»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د زابل ولایت مقام ویاند مولوي صدیقالله وثیق وویل، د یادې پروژې په عملي کېدو سره به د خلکو ګڼې ستونزې حل شي.
هغه د دغې پروژې له تطبیق کوونکي شرکت څخه وغوښتل چې یاده پروژه پر ټاکلي وخت او په ښه کیفیت سرته ورسوي، تر څو د ژمي له راتګ وړاندې ګټې اخستنې ته وسپارل شي.
د څښاک اوبو رسولو دغه پروژه داسې مهال تطبیق کیږي چې د زابل ډېری لرې پرتو سیمو کې ګڼ شمېر ولسي وګړي د څښاک پاکو اوبو ته لاسرسی نهلري.