د ونزویلا چارسمبالې ولسمشره دلسي رودریګز، ټينګار کړی چې کاراکاس حق لري چې له چين، کيوبا، ايران او روسيې سره خپلې ډیپلوماټیکې اړیکې وساتي او د امريکا هر ډول لاسوهنه يې رد کړې.
د «ونزویلا ټايمز» ورځپاڼې د راپور له مخې، رودریګز دا څرګندونې د اجراییه قوې د کلني کاري راپور د وړاندې کولو پرمهال د یاد هېواد پارلمان ته وکړې.
هغې زیاته کړې چې ونزویلا حق لري خپله خپلواکه بهرنۍ تګلاره وټاکي او د واشنګټن دريځ يې «دښمنانه» وباله.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
رودریګز هغه پېښه چې د جنورۍ په درېيمه د امريکا له لوري شوې، «تجاوزکارانه اقدام» بللی او دا يې د دواړو هېوادونو په اړيکو کې «د شرم ټکی» ياد کړ.
د راپورونو له مخې، امريکايي ځواکونو د يادې نېټې په ورځ د ونزویلا ولسمشر نيکولاس مادورو او د هغه مېرمن سيليا فلورس نيولي وو.
د ونزویلا چارسمبالې ولسمشرې همداراز زیاته کړې، سره له دې چې امريکا «دښمنانه اقدامات» کړی، د یاد هېواد حکومت د بحران د هواري لپاره ديپلوماتيکه لاره خپله کړې ده.