امریکا بېګاه شپه په یمن کې د حوثي ډلې پر بېلابېلو مرکزونو پراخ او مرګوني هوايي بریدونه کړي دي.
حوثیانو پورې تړلي «المسیره تلویزیون» راپور ورکړ چې امریکایي ځواکونو پر شمالي ولایت صعده ۱۵ بریدونه کړي دي.
د راپور له مخې، بریدونه پر صعده ښار، د مجز او سهار ولسوالي سربېره، د صنعا ولایت د بني مطر ولسوالي په جبل النبي شعیب هم شوي دي.
تراوسه د یادو بریدونو د مرګژوبلې او اوښتو زیانونو په اړه څه نهدي ویل شوي، خو حوثیان وايي، د مارچ له ۱۵ راهیسې د امریکا د بمباریو له امله لږترلږه ۶۱ کسان وژل شوي دي.
امریکا له دې وړاندې هم یمن کې د حوثي ډلې پر مرکزونو او پټنځایونو بریدونه کړي دي. ټرمپ څو اوونیو وړاندې ټينګار کړی و چې د حوثي ډلې لهمنځه وړو لپاره به دغه بریدونه دوام لري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
بلخوا په یمن کې د حوثي ډلې ویاند یحیی سرېع وايي چې بېګاه شپه د دوی ځواکونو د امریکا «MQ-9» بېپېلوټه الوتکې په توغندي وېشتلې او نسکوره کړې ده.
هغه زیاته کړې چې دغه ډرون په مارب ولایت کې د دوی له لوري په جوړ شوي توغندي وېشتل شوې.
مارب ولایت د تېلو او ګازو پراخې زېرمې لري او وخت ناوخت د امریکا د هوايي ځواکونو له لوري پرې بریدونه هم کېږي.
حوثیانو د ۲۰۲۳ کال له اکتوبر د روان کال تر جنورۍ پورې په سره سمندر کې شاوخوا۱۰۰ کښتۍ په توغندیو او بېپېلوټه الوتکو وېشتلې دي. دغه سوداګریزې کښتۍ تر ډېره د اسراییلو او امریکا اړوند وې.
دوی همداراز د امریکا پر جنګي بېړیو هم بریدونه کړي، خو نهدي په نښه شوي.