د بغلان امنیتي مسوولان وايي، ناپېژنده وسلهوالو د دغه ولایت د نهرین ولسوالي په زاړه ښار کې پر لمونځکوونکو چې پر دوعا بوخت وو، برید کړی او لس کسان یې وژلي دي.
د سلاموطندار پښتو فېسبوکپاڼه وڅارئ
د بغلان د امنیې قومانداني ویاند شېراحمد برهاني وايي، په دغه برید کې د نهرین ولسوالي لس لمونځکوونکي چې د سیدپاچا اغا سادات په زیارت کې پر ذکر لګیا وو، وژلي دي.
د بغلان د امنیې قومانداني د امنیت امر عبدالغیور خادم بیا وايي چې پولیس پر وخت د پېښې سیمې ته رسېدلي او د دغه برید په تړاو یې څو تورن کسان نیولي دي.
د هغه په خبره، د پېښې په اړه یې څېړنې پیل کړي دي.
تراوسه کوم چا یا وسلهوالې ډلې د دغه برید مسوولیت پر غاړه نهدی اخیستی.