افغانستان کې د ملګرو ملتونو سیاسي استازولۍ یوناما ویلي، پر افغانستان د پاکستان هوایي بریدونو له امله د ملکي مرګژوبلې کره راپورونه ترلاسه کړي.
یوناما تېره شپه یوه اعلامیه کې ویلي، پاکستاني پوځي ځواکونو د ننګرهار په بهسود او خوګیاڼیو ولسوالیو کې هوایي بریدونه ترسره کړي چې د ښځو او ماشومانو په ګډون ۱۳ ملکيان شهیدان شوي او ۷ نور ټپیان دي.
اعلامیه کې راغلي چې پاکستان د پکتیکا برمل او اورګون ولسوالیو کې هم هوایي بریدونه کړي چې تراوسه د ملکي تلفاتو راپور نه دی ورکړل شوی.
یوناما په ټولو اړخونو غږ کړی چې د ملکي وګړو د خوندیتوب او د لا زیاتې مرګژوبلې مخنیوي لپاره جګړې ته د تل لپاره د پای ټکی کیږدي.