Asset 1SWN

اوکراین د روسیې د اټومي انرژۍ یوه بټۍ په نښه کړې

R

روسیه کې چارواکي وايي چې پر دغه هېواد د اوکراین د ډرون بریدونو پرمهال د اټومي انرژۍ یوه بټۍ هم په نښه شوې.

مسکو ویلي چې د اوکراین له لوري د انرژۍ زیربناوې د لږترلږه ۱۰۰ ډرون بریدونو لاندې راغلي دي.

د سلام‌وطندار پښتو فېسبوک‌پاڼه وڅارئ

د روسیې دفاع وزارت په یوې خبرپاڼه کې ویلي چې د یاد هېواد لوېدیځ کې تر ډېره انرژۍ او تېلو ځایونه په نښه شوي.

د RIA دولتي خبري اژانس د دې فابریکې د مطبوعاتي خدماتو په حواله راپور ورکړی چې د سمولینسک اټومي بټۍ چې د روسیې په شمال‌لوېدیځ کې د برښنا تولیدولو ترټولو لویه بټۍ ده، چهارشنبه، بېرته عادي حالت ته راوګرځېده.

د راپورونو له مخې د روسیې هوايي دفاع په نهو سیمو کې بې‌پیلوټه الوتکې ویجاړې کړې چې په‌کې ۱۱ سمولینسک چې بېلاروس سره په پولې ته پروت دی، هم شاملې دي.

نږدې نیمایي یې کرسک کې وېشل شوي، چیرې چې اوکرایني ځواکونو د څو میاشتو راهیسې تر برید وروسته څو کلي نیولي دي.

سلام‌وطندار پر اېکس هم وڅارئ

اوکراین او روسیه نږدې هره ورځ پر یوه بل د بې‌پیلوټه الوتکو او توغندیو بریدونه کوي چې د ژمي په موسم کې تر ډېره د انرژۍ زېربناوې د یوه بل هدف وي.

مرتبط با این خبر:

به اشتراک بگذارید:
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام