د خوست ښاروالي مسوولان وايي چې په يادو پروژو کې به يو سړک ترميم او څه د پاسه نهه سوه متره لښتي او يو نوی سړک به په اساسي ډول جوړ شي.
د هغه په وينا، يادې دوه پروژې د ښار په دويمه او درېیمه ناحیو کې پيل شوې دي.
د سلاموطندار پښتو فېسبوکپاڼه وڅارئ
د يادو پروژو چارو پيل مراسمو کې د خوست ښاروال قاري بسمالله بلال وويل چې سږکال به د ۳۹۰ ميليونه افغانيو په لګښت ۳۲ بېلابېلې پروژې د ښاروالي لهخوا د ښار د ښکلا او ښاريانو ته اسانتيا په موخه پلې کړي چې د شپږو هغو چارې به نږدې راتلونکي کې پيل شي.
په ورته مهال د خوست ښار يوشمېر اوسېدونکي هم خوښ دي چې د دوو رغنيزو پروژو چارې پيل شوې.
دوی له مسوولانو غوښتنه وکړه په ښار کې د رغنيزو پروژو کيفيت ته ځانګړی پام وکړي.
د خوست ښار يوه اوسېدونکي طاهر سلاموطندار ته وويل چې تر دې وړاندې د سړکونو او لښتيو خرابوالي له ګڼو ستونزو سره مخ کړي و.
هغه غوښتنه وکړه چې د ښار اړوند نورې سيمو کې دې هم ورته پروژې پلې شي چې خلک له ستونزو خلاص شي.