د کورنیو چارو وزارت ټرافیک پولیسو ته نوي عصري موټر وسپارل شول.
د کورنیو چارو وزارت د ټرافیکو پولیسو ریاست ته د ټرافیکي نظم د لا پیاوړتیا او د ښارونو په کچه د خدماتو د ښهوالي په موخه نوي او عصري موټر چمتو او وسپارل شول.
د کورنیو چارو وزارت نن شنبه دلوې ۱۸ / فبروري ۷ پر اېکسپاڼه لیکلي، دغه موټرونه چې د ټرافیک پولیسو د ځانګړي رنګ، نښان او عصري تجهیزاتو درلودونکي دي، د ښاري او لویو لارو پر سر د ټرافیکي نظم د تأمین، د پېښو د مخنیوي او د خلکو ته د چټکو خدماتو د وړاندې کولو په برخه کې به اغېزمن رول ولوبوي.
د ټرافیک پولیسو مسوولان وايي، د نويو وسایطو په ورکړې سره به د ټرافیکي قوانینو د تطبیق کچه لوړه، پېښو ته پر وخت د پولیسو رسېدنه چټکه او د ولس باور نور هم پیاوړی شي.