د ریاستالوزراء اقتصادي مرستیال ملا عبدالغني برادر ټولو سوداګرو ته سپارښتنه کړې چې پاکستان کې خپل قراردادونه د درېوو میاشتو په موده کې راټول او د یاد هېواد پر ځای دې نورو هېوادونو څخه توکي راوارد کړي.
نوموړي نن چهارشنبه، لړم ۲۱مه کابل کې د یوې ناستې پرمهال وویل چې پاکستان په وار وار د سوداګرۍ پرمخ لارې تړلي او په وینا یې، د دواړو هېوادونو سوداګر یې، زیانمن کړي چې دوی اړ شوي ورته پرېکړه وکړي.
هغه همداراز د هېواد صنعتکارانو، سوداګرو او د مالیې محترم وزارت ته هم سپارښتنه کړې چې د سوداګرۍ لپاره بدیلې لارې ولټوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د ریاستالوزراء اقتصادي مرستیال ملا عبدالغني برادر په دې خبري ناسته کې ټينګار وکړ، که پاکستان د لارو بېرته پرانېستل غواړي، نو بشپړ تضمین دې ورکړي، څو لارې بېرته بندې نهکړي.
برادر زیاته کړه چې د روغتیا برخه کې له هېواد په کلنۍ کچه د میلیونونو ډالرو وتلو اصلي لامل له پاکستان څخه د بېکیفیته درملو واردول دي.