هرات کې د افغانستان زعفرانو نړیوال مرکز کې د کتابونو مطالعې او دود لپاره درې ورځنی نندارتون پرانېستل شوی دی.
یاد نندارتون دوشنبه، سلواغې ۱۵مه پیل شوی او درې ورځې به دوام وکړي.
د سلاموطندار پښتو فېسبوکپاڼه وڅارئ
د یاد نندارتون جوړونکي وايي چې دغه نندارتون یې، یاد ولایت کې د کتاب لوستنې دود غوړولو او د افغنستان زعفرانو نړیوال مرکز کې د ځوانانو پوهاوي کچې لوړولو لپاره جوړ کړی دی.
د یاد نندارتون یوه جوړونکي غلام فاروق محمودي سلاوطندار ته وايي چې دې نندارتون کې بېلابېل ادبي، علمي، ښوونیز او فرهنګي کتابونه نندارې ته کېښودل شوي دي.
په ورته مهال د هرات د اطلاعاتو او فرهنګ ریاست د فرهنګ او هنر امر حمیدالله غیاثي په ټولنه کې د کتاب لوستلو فرهنګ غوړولو لپاره مثبت ګام بولي.
د یادونې وړ ده چې له دې یوه اوونۍ وړاندې هم دغه ولایت کې د یوې اوونۍ لپاره د سړک پر غاړه د کتابونو نندارتون جوړ شوی و.