د ملګروملتونو د نفوس صندوق اعلان کړی چې د «افغانستان ځانګړي اماني صندوق» په مالي ملاتړ یې د هېواد په بېلابېلو سیمو کې ۱۴۷ زره او ۵۴۵ کسانو ته روغتیايي خدمات وړاندې کړي دي.
یاد سازمان په خپل راپور کې ویلي چې دغه خدمات د اومیندواره مېندو، نویو زېږېدلو ماشومانو او د کورنیو د عمومي روغتیا په پیاوړتیا کې مهم رول لري.
د راپور له مخې، دا خدمات د هغو روغتیايي مرکزونو له لارې وړاندې شوي چې د ملګروملتونو تر ملاتړ لاندې فعالیت کوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
په راپور کې راغلي چې په لروپرتو سیمو کې مېرمنو او ماشومانو ته د اړینو روغتیايي خدمتونو د ترلاسه کولو زمینه برابره شوې ده.
ملګروملتونو زیاته کړې چې دغه روغتیايي مرکزونه د ټولنې تر ټولو زیانمنو قشرونو ته بنسټیزې درملنې رسوي چې پهکې په کور دننه بېځایه شوي کسان، راستنېدونکي کډوال او کوربه ټولنې شاملې دي.
د راپور له مخې، دا هڅې د روغتیايي تشو د ډکولو او د بشري اړتیاوو د کمولو په موخه روانې دي.