د ناروې «اف۳۵اې» دوو غبرګو جېټ الوتکو د لومړي ځل لپاره د پوځي تمریناتو پرمهال فنلنډ کې پر «موټر وې» یا د موټرو د لویې لارې پر سړک ناسته کړې.
چارواکو دغه ګام له دې امله اخیستی چې څنګه وکړای شي، د جګړې پر مهال د لویو لارو پر سړکونو د جېټ الوتکو د ښکته کېدو پرمهال د احتمالي زیانونو مخه ونیسي.
د سلاموطندار پښتو فېسبوکپاڼه وڅارئ
دغو دوو جېټ الوتکو د پوځي تمریناتو د یوې برخې په توګه د پولنډ مرکز «ټېرفوو» کې ناسته کړې ده. د ناروې پوځ ویلي، د یادو جېټ الوتکو له ښکتهکېدو وروسته په بېړنۍ توګه یې ټانکۍ له تېلو ډکې او بېرته یې الوتنه کړې ده.
د ناروې د هوايي ځواک مشر رولف فوولنډ په یوه بیان کې ویلي: «جېټ الوتکې پر ځمکه د ښکتهکېدو پر مهال زیانمنونکې دي، نو له دې امله له کوچنیو هوايي ډګرونو او اوس د لویو لارو له سړکونو په استفادې به جګړه کې موږ ته پایښت راکړي.»
فنلنډ چې د روان کال په اپرېل کې له ناټو سره یوځای شو، له روسیې سره ۱۳کیلومټره کیلومټره اوږده پوله لري. ناروې د ناټو له بنسټګرو څخه دی.
له دې وړاندې د اف۳۵ یوه بله ډول جېټ الوتکه اف۳۵بي چې پر لویو لارو د ښکتهکېدو وړتیا لري او ناستې یې هم کړي، خو دا د اف۳۵ جېټ الوتکې لومړۍ ناسته وه.