د اسلامي امارت هوايي ځواک پاکستان کې بېلا بېل پوځي اهداف په نښه کړي.
د ملي دفاع وزارت هوايي ځواکونو نن جمعه غرمه شاخوا ۱۱ بجې د پاکستان په اسلاماباد کې «فیضآباد» ښار ته نږدې نظامي کمپ، نوښار کې د پوځ کینټ، جمرود پوځي کالوني، او ایبټآباد کې هوايي بریدونه وکړل.
دغه وزارت نن جمعه دلوې ۸ / فبروري ۲۷ یوه خبرپاڼه کې ویلي، دغه هوايي عملیات په موفقانه توګه ترسره شول چې هلته یې د پاکستان فوج مهم نظامي ځایونه، مراکز او تأسیسات په نښه کړل.
یاد بریدونه د پاکستاني نظامي حلقې د هغو هوايي تجاوزونو په غبرګون کې ترسره شول چې تیره شپه یې په کابل، کندهار او پکتیا کې ترسره کړل.