اوکرایني چارواکي وايي چې د دغه هېواد په شمالختیځ کې پر یوه روغتون د روسیې د بریدونو له امله لس کسان وژل شوي او ۲۲ نور ټپیان دي.
د چارواکو په وینا، د بالینيسنټ پانتلیمون روغتون باندې د «ځانمرګو بېپېلوټه» بریدونه شوې دي.
د سلاموطندار پښتو فېسبوکپاڼه وڅارئ
د رویټرز خبري اژانس د راپور له مخې، د برید له امله د روغتون ټول ناروغان نورو روغتونونو ته لېږدول شوي او د ټپیانو له ډلې، د پنځو روغتیايي وضعیت د اندېښنې وړ ښودل شوی دی.
په راپور کې همداراز ویل شوي چې پر یاد روغتون د برید پرمهال روغتون کې ۸۶ ناروغان او ۳۸ روغتیايي کارکوونکو شتون درلود.
اوکراین وايي، د روان کال د اګسټ له شپږمې تر دې مهاله د شمالختیځ د سومي ښار په اړوند سیمو کې د بریدونو له امله ۳۳ کسان وژل شوي او ۱۳۲ نور ټپیان دي.
سومي ښار د روسیې له پولې یوازې ۳۲ کیلومتره (۲۰میله) لرې پروت دی او روسي ځواکونو چې د ۲۰۲۲ کال په فبرورۍ کې پر اوکراین برید پیل کړ، دغه ښار یې، د بېپیلوټه الوتکو او لارښود بمونو تر بریدونه لاندې ونیوو.