د تاجیکستان ولسمشر امامعلي رحمان د ملګروملتونو عمومي اسامبلۍ ته په خپله وینا کې ویلي چې هېواد یې د افغانستان د خلکو د ملاتړ لپاره، په ځانګړي ډول د وچکالۍ او وروستۍ زلزلې له اغېزمنو سره د مرستې لپاره چمتووالی لري.
رحمان له نړیوالې ټولنې وغوښتل چې د افغانستان د خلکو د زیان کچې کمولو لپاره د بشري مرستو په رسولو کې پراخ ګډون وکړي.
هغه زیاته کړه: «نړیواله ټولنه باید د افغانستان د خلکو مرستې ته راودانګي، په ځانګړې توګه هغو سیمو ته چې د وچکالۍ او زلزلې له امله زیانمنې شوې دي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د تاجیکستان ولسمشر ټینګار وکړ چې هېواد یې د افغانستان د بشپړ امنیت، ټولنیز او اقتصادي پرمختګ غوښتونکی دی او په دې برخه کې د سیمهییزو او نړیوالو هڅو ملاتړ کوي.
یاده دې وي چې د ملګروملتونو د عمومي اسامبلې ۸۰یمه غونډه د شاوخوا ۱۵۰ هېوادونو د استازو په ګډون په نیویارک کې پیل شوې ده.