د شپږیزې کرېکټ لیګ په روان نهم پړاو کې نن په لومړۍ لوبه کې بُست ساتونکې لوبډلې مېسعینک اتلانو ته د ۸۴ منډو په توپیر ماته ورکړه.
دغه سیالي نن چهارشنبه، زمري ۳۱مه د کابل کرېکټ لوبغالي کې ترسره شوه.
د سلاموطندار پښتو فېسبوکپاڼه وڅارئ
په دغه لوبه کې لومړی بُست ساتونکي لوبډلې توپوهنه وکړه او په ټاکل شویو شلو اورونو کې یې، د شپږو لوبغاړو په سوځېدو، ۲۰۴ منډې جوړې کړې.
دا په سږني روان لیګ کې د یوې لوبډلې لهخوا تر ټولو ډېرې منډې وې چې جوړې یې کړې.
د بُست ساتونکي لپاره دروېش رسولي ښکلې توپوهنه وکړه او ناسوځېدلې ۷۶ منډې یې جوړې کړې. له دروېش سره اعجاز احمدزي هم ښه توپوهنه وکړه او ۴۵ منډې یې وکړې.
د مېسعینک اتلانو لپاره بیا خلیل ګربز درې وېکټې ترلاسه کړې.
په ځواب کې د مېسعینک لوبډلې د ټولو لوبغاړو په سوځېدو یوازې ۱۲۰ منډې وکړې او دغه لوبه یې، د ۸۴ منډو په توپیر وبایلله.
د نن ورځې په دویمه لوبه کې امو نهنګان لوبډله له بندامیرښارامانو سره پر لوبه بوخته ده.