د اوکراین چارواکي وايي چې روسیې نن چهارشنبه، اکتوبر ۲۲مه په تازه توغندیزو او ډرون بریدونو کې لږترلږه شپږ کسان وژلي چې په وژل شویو کې دوه ماشومان هم شامل دي.
د بریدونو له امله په ټول هېواد کې د برښنا شبکې زیانمنې شوي او پراخ برښنا پرېکون رامنځته شوی دی.
د کېیف د پوځي ادارې مشر تیمور ټکاچینکو پر خپل ټېلېګرام پیغام کې ویلي چې د ویشتل شویو توغندیو ټوټې د پلازمېنې په نیمو سیمو کې د اورلګېدو لامل شوې دي. د ده په وینا، د ښار بېړني ټیمونه لاهم د اوروژنې او د تلفاتو د ژغورلو هڅې کوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دغه بریدونه په داسې حال کې شوي چې د روسیې او امریکا د مشرانو د احتمالي غونډې پلان لغوه شوی، وروسته له هغې چې مسکو د اوربند وړاندیز رد کړ.
له ۲۰۲۲ کال راهیسې روسیه پر اوکراین پراخ بریدونه کوي چې تر دې مهاله زرګونه کسان پهکې وژل شوي او د هېواد زیربناوې له سختو تاوانونو سره مخ دي.