د هرات د سره صلیب اُرتوپېډي مرکز مسوولان وايي، په روان لمریز کال د لومړیو شپږو میاشتو پرمهال یې له درې زره ډېرو هغو کسانو ته روغتیايي او ارتوپېډي خدمتونه وړاندې کړي چې د بېلابېلو پېښو له امله معلولیت سره مخ شوي دي.
د دغه مرکز مسوول عبدالشکور حقبین وایي چې ډېری مراجعين د ماین چاودنو، ترافیکي پېښو او له لوړ ځایه د لوېدو له کبله د فزیکي زیان او معلولیت له ستونزو سره مرکز ته مراجعه کوي.
د هغه په وینا، مرکز د روان کال له پیل راهیسې ۴۷۸ ویلچرونه او ۴۳۲ مصنوعي غړي جوړ او اړمنو کسانو ته وېشلي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
همدارنګه، د مصنوعي اندامونو د جوړولو مسوول محمدظاهر قادري وایي چې دا مرکز په درېوو برخو کې خدمات وړاندې کوي چې فزیکي بیارغونه، ټولنیزه بیارغونه او ورزشي فعالیتونه پهکې شامل دي.
قادري زیاتوي چې د مصنوعي غړو جوړول، د حرکتي ستونزو اصلاح او ځانګړي مسلکي تمرینونه د مرکز له اساسي خدمتونو څخه دي.
د هرات د سره صلیب د فتر د معلوماتو له مخې، دغه اداره په دې ولایت کې د خپل ۳۲کلن فعالیت پرمهال تر ۶۱زره ډېرو معیوبینو ته د توان ورکولو او بیارغونې خدمتونه وړاندې کړي دي.