د روسیې بهرنیو چارو وزیر سرګي لاوروف وايي، په ایران د امریکا هر ډول نوی برید جدي پایلې لرلی شي.
هغه تېره ورځ د فبروري په ۱۸ د سعودي العربیه ټلویزیون سره مرکه کې د ایران سولهییز اټومي پروګرام د تعقیب په موخه د حللارې موندلو لپاره د زغم غوښتنه وکړه.
لاوروف وویل: «زه په سیمه کې د عربي هیوادونو او خلیجي مشرانو غبرګونونه په دقت څارم. هیڅوک د تاوتریخوالي زیاتوالی نه غواړي. هرڅوک پوهیږي چې دا له اور سره لوبه کول دي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه وویل، د تاوتریخوالي زیاتول کولی شي د ایران او ګاونډیو هیوادونو په ځانګړې توګه د سعودي عربستان ترمنځ د اړیکو ښهوالي په شمول د وروستیو کلونو مثبتې لاسته راوړنې له منځه یوسي.
سرګي لاوروف زیاته کړه چې روسیه د ایران له مشرانو سره په نږدې او منظم ډول په اړیکه کې ده او هیڅ دلیل نهلري چې شک وکړي ایران نه غواړي په اټومي پروګرام یې هوکړه وشي.
د روسیې بهرنیو چارو وزیر دغه څرګندونې یوه ورځ وروسته له هغې دي چې د امریکا او ایران مرکچیانو په جینیوا کې د واشنګټن او تهران ترمنځ د نوي مخ په زیاتیدونکي کړکیچ د کمولو لپاره غیرمستقیمې خبرې وکړې.