د اوکراین په ژاپورېژیا ښار کې د روسیې د توغندیز برید له امله د وژل شویو کسانو شمېر شپږ ته لوړ شوی او ۲۲ نور ټپیان دي.
د ژاپورېژیا والي اېوان فیدوروف پر خپل ټېلېګرام ویلي چې برید کې ۲۲ کسان ټپیان دي او په وینا یې، سیمې ته د بېړنیو مرستو ډلې لېږل شوي دي.
د سلاموطندار پښتو فېسبوکپاڼه وڅارئ
د اوکراین د بېړنیو حالاتو اداره وايي چې ژغورونکو ډلو بېګاه شپه د ویجاړې شوې ودانۍ تر ډبرو او خاورو لاندې د دوو مېرمنو جسدونه رااېستلې دي.
په انځورونو کې ښودل کیږی چې ژغورونکی او ماشینونه د شپې لخوا د یوې نړیدلې ودانۍ په ویجاړیدو کې کار کوی.
روسیې له تېرو څو ورځو راهیسې په منظمه توګه پر ژاپورېژیا ښار بریدونه کوي. د تېرې جمعې پر ورځ هم پر دې ښار د روسیې د برید له امله لس کسان وژل شوي او ۲۰ نور ټپیان وو.
دواړه لوري جګړه کې د ملکیانو په نښه کول ردوي او وايي، بریدونه یې، یوازې د زېربناوو کمزوري کول دي.