د روسیې د بلګورود په سرحدي سیمه کې د اوکراین یوې بېپیلوټې الوتکې پر یوه موټر برید کړی چې له امله یې یو کس وژل شوی او بل ټپي دی. د سیمې والي دا پېښه تایید کړې ده.
په ورته مهال د روسیې دولتي خبري اژانس «تاس» د یاد هېواد د دفاع وزارت له قوله ادعا کړې چې د تېرو ۲۴ساعتونو په جګړو کې د اوکراین له پوځ څخه له ۱،۵۰۰ زیات سرتېري وژل شوي دي.
اوکراین دا خبره رد کړې او پوځي شنونکي دواړه لوري د تبلیغاتي جګړې په کارولو تورنوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د اوکراین د وسلهوالو ځواکونو مشر بیا ادعا کړې چې روسیې په یوه شپه او ورځ کې شاوخوا ۱،۰۲۰ سرتېري، ۳۶۰ بېپیلوټه الوتکې او ۳۶ توپچي سیستمونه له لاسه ورکړي دي.
روسیې تراوسه د دغو تلفاتو پخلی نه دی کړی.
شنونکي وایي، د جګړې په اړه د دواړو خواوو د تلفاتو په هکله بېلابېل راپورونه، د روانې تبلیغاتي جګړې یوه برخه ده.