د روسیې ولسمشر ولادیمیر پوتین اعلان کړی چې اوکراین سره د روانې جګړې په لومړۍ کرښه کې یې، شاوخوا ۷۰۰زره روسي سرتیري ځای پر ځای کړي دي.
نوموړي دغه څرګندونې پرون پنجشنبه، سپټمبر ۱۸مه د یاد هېواد د پارلمان د یوشمېر غړیو په ګډون، په یوې ناسته کې کړې دي.
په ورته مهال د اوکراین ولسمشر ولودېمیر زېلېنسکي د دونتسک سیمې ته تللی چې د روسیې ځواکونو سره د جګړو اصلي سیمه بلل کېږي.
زېلېنسکي ویلي چې د اوکراین پوځ دوبروبیلیا کې د روسیې پر وړاندې د متقابل برید په ترڅ کې ۱۶۰ کیلومتره مربع ځمکه او اووه کلي ازاد کړي او شاوخوا ۱۰۰ روسي سرتیري یې نیولي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د اوکراین پولیسو بیا ویلي چې پر کُستیانتنفکا ښار د روسیې هوایي برید، پنځه ملکي وګړي وژلي دي. روسي ځواکونو د اګست میاشت منځ کې دوبروبیلیا ته نفوذ کړی و، خو اوکرایني پوځ بیرته په شا تمبولي وو.
د فرانسې خبري اژانس راپور ورکړی چې د روسیې ځواکونه څه اندازه شاته شوي، خو سیمه لا بشپړ کنټرول نهلري. جګړې لا هم روانې دي او دواړه خواوې درنه مرګ ژوبله لري.