د خوست ښاروالي د څه باندې ۲۱ میلیون افغانیو په لګښت د يوه سړک د جوړولو چارې پیل کړې.
د خوست ښاروال مفتي شهزاد نور راشد د ياد سړک د جوړېدو چارو پيل مراسمو کې وویل، یاده رغنیزه پروژه په لومړۍ او درېیمه ناحیه کې تطبیق کېږي چې د امنیه قومندانۍ مخې ته د ښار مرکزي کانال دواړو خواوو ته سړکونه، د نجارانو عمومي کوڅې سړک او لومړۍ حوزې ته مخامخ سړک او د لښتیو جوړول پهکې شاملیږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د ښاروالي د سکتوري چارو آمر انجینر جاوید جمشید وويل، ياده پروژه کې ۱۳۴۰ متره سړک، ۱۴۰۰ متره اساسي لښتی او ۳ پلچکونو جوړول شاملیږي.
د دغه سړک جوړولو لګښت د خوست ښاروالي له پراختیايي بودیجې ورکول کېږي او کارونه به یې په ۶ میاشتو کې بشپړ شي.
د یادونې ده چې سږ کال خوست ښاروالي تر ۳۰ پروژې پلان کړي چې تر دامهاله یې په پنځو لویو پروژو چارې پيل کړي دي.