د هرات د طبیعي پېښو پر وړاندې د مبارزې د چمتووالي ریاست چارواکي وایي، نن (شنبه، د زمري ۲۵مه) د کرخ ولسوالي د «بادامتو» کلي د یوه پل د بیارغونې چارې پیل شوې.
د یاد پل پر جوړېدو یو میلیون افغانۍ لګښت کېږي.
د یاد ریاست رییس محمدموسی اشعري وایي چې دغه پروژه د هغو ملي پروګرامونو یوه برخه ده چې د زیانمنو شویو تاسیساتو د بیارغونې لپاره پلې کېږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
اشعري زیاته کړه، یاد پل چې د زړېدو او د سېلابونو له امله ویجاړ شوی و، د بیارغونې له بشپړېدو وروسته به د څو شاوخوا کلیو اوسېدونکي د کرخ ولسوالي له عمومي سړک سره ونښلول شي.