د قطر لومړی وزیر او د بهرنیو چارو وزیر محمدبن عبدالرحمان الثاني د اسراییلو برید پر خپل هېواد «له خیانته ډک» بللی او ویلي یې دي چې دغه برید به بېځوابه پاتې نهشي.
الثاني یادې څرګندونې د دوحې په یوې خبري ناستې کې وکړې او زیاته یې کړه چې د اسراییل کړنې د ملکیانو امنیت له ګواښ سره مخ کړی او د کړکېچ کچه یې بېساري لوړه کړې ده.
هغه ټینګار وکړ: «موږ هېڅ ډول د خپلواکۍ نقض نهمنو او د هر ډول امنیتي سرغړونې پر وړاندې به په پرېکنده ډول عمل وکړو؛ قطر د دې ښکاره برید پروړاندې د ځواب ویلو حق ځان ته محفوظ ګڼي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د قطر لومړي وزیر همداراز وویل چې هېواد یې د حقوقي هڅو لپاره ځانګړې حقوقي ډله جوړه کړې، څو د اسراییل د برید پر وړاندې قانوني اقدام وکړي.
د راپورونو له مخې، د اسراییل پوځ پرون له غرمې وروسته، د حماس د مشرانو یوه غونډه په دوحه کې د هوايي برید هدف وګرځوله چې په ترڅ کې یې د حماس پنځه غړي ووژل شول.
یاد برید ته د نړۍ ګڼشمېر هېوادونو غبرګون ښودلی او د اسراییلو دغه اقدام یې غندلی دی.