د روسیې ولسمشر ولادېمېر پوتین د دغه هېواد د اټومي ځواکونو له پراخ مانور څخه څارنه کړې چې پهکې د وچې، سمندر او هوا له لارې د توغندیو ازمایښتونه شوي دي.
دغه پوځي مانور پرون چهارشنبه، د اکتوبر ۲۳مه شوی دی.
د روسیې د دفاع وزارت په وینا، د یاد مانور موخه د اټومي ځواکونو د قومنداني جوړښت او چمتووالي ازموینه وه. په تمرین کې له یوې فضایي اډې څخه د «یارس» منځواټن ویشتونکی توغندی، له بارنتس سمندر څخه د یوې اټومي اوبتلې له لوري د «سینیوا» بالستیک توغندی او له ستراتیژیکو بموړونکو الوتکو څخه د اټومي وړتیا لرونکي کروز توغندي توغول شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
کریمېلن ویلي چې ټول ازمایښتي توغندي په بریالیتوب سره خپلو هدفونو ته رسېدلي او د ځواکونو د چمتووالي کچه لوړه ارزول شوې ده.
یاد مانور په داسې مهال کېږي چې ناټو هم د خپلو اټومي ځواکونو د تمرینونو لړۍ پیل کړې چې شنونکي یې د روسیې له لوري د ځواک د ښودنې او د نړېوالو لپاره د اټومي خبرداري یو ډول پیغام بولي.