ټاکل شوې چې د هند کرېکټ غوره لیګ کې نن پنجاب کنګز له لکناو سوپر جاینټز سره سیالي وکړي.
یاده سیالي به نن ماښام ۶:۳۰ بجې د هند د لکناو په «بهارت رتنا شري اتل بېهاري واجپای اکانا کرېکټ لوبغالي» کې پیل شي.
پنجاب کنګز کې افغان لوبغاړی عظمتالله عمرزی هم لوبېږي او روان لیګ کې یې، خپله لومړۍ لوبه ګټلې ده.
دوی خپله لومړۍ لوبه له ګجرات ټایټنز څخه وګټله چې هلته بیا دوه افغان لوبغاړي راشدخان او کریم جنت هم لوبېږي.
لکناو سوپر جاینټز لوبډلې چې روان لیګ لپاره یې، تر ټولو په لوړه بیه لوبغاړی هم پېرلی دی، خپله لومړۍ لوبه بایللې او دویمه کې یې، بریا خپله کړې ده.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
یاده لوبډله به نن هڅه وکړي چې روان لیګ کې خپله درېیمه بریا هم ترلاسه کړي.
د دواړو لوبډلو ترمنځ له ۲۰۲۲کال راهیسې په دغه لیګ کې څلور لوبې شوي چې درې، لکناو ګټلي او یوه بیا پنجاب خپله کړې ده.
د یاد لیګ په بېګانۍ لوبه کې بیا ممبی انډییز په اتو وېکټو کلکته نایټرایډرز ته ماته ورکړه.