د پکتيا زندان رییس قاري عبدالغني عادل د يادو پروژو د پرانيستې مراسمو کې وويل چې د زندان په داخل کې د يو مسجد په ګډون د يو نوي تعمير جوړيدل، د پخوانيو تعميرونو ترميم، د زندان لپاره برښنا ترانسفرمر لګول، د زندانيانو سره د ملاقات لپاره ځانګړي ځایونو جوړول او د تشنابونو جوړول پروژې بشپړې او ګټېاخيستنې ته سپارل شوي دي.
نوموړي زیاته کړه چې تر دې وړاندې په تعميرونو کې ځينې ستونزې او نيمګړتياوې وې چې د يادو پروژو په بشپړېدو سره به زندانيانو ته ګڼې اسانتياوې برابرې شي.
په يادو مراسمو کې د زندانونو چارو سمون ادارې د ښوونې او روزنې رییس نظرمحمد ناصري وويل، په اوس وخت کې د هېواد په کچه زندانونه د شکنجو پر ځای په تعليمي مرکزونو بدل شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه زیاته کړه چې پخوا به په زندانونو کې زندانيانو ته شکنجې، تحقير او بېلابېل ظلمونه ورسره کېدل، خو واک ته د اسلامي امارت له رسېدو وروسته زندانونو کې هر ډول شکنجې او تحقير پای ته رسېدلی او زندانيانو ته علمي برنامې جوړيږي.
نوموړي په وینا، که د هر زنداني سره ناوړه چلند وشي، د هغه پوښتنه کېږي او په ټولو زندانونو کې ورته اړين سهولتونه برابر شوي دي.