د نورستان ځایي مسوولان وایي چې د دغه ولایت د نورګرام ولسوالۍ په پشګر دره کې له کانونو تر لاسه شوي ۱۴ کیلوګرامه بیروج د ازادې دواطلبۍ په ترڅ کې په ١٣.١ ميليون افغانيو وپلورل شول.
د پلورل شویو قیمتي ډبرو ١٠ سلنه عاید چې ١.٣ میلیون افغانۍ کیږي، د دولت خزانې ته تحویل شوی.
د نورستان ولایت د مطبوعاتو مسوول فریدون صمیم وایي چې په یادې داوطلبۍ کې ۴۰ کورنیو سوداګرو ګډون کړی وو.
د يادونې ده چې تر دې وړاندې هم د نورستان ولايت په ختيځ، لوېديځ او مرکزي سيمو کې په زياته کچه قيمتي ډبرې د ازادې بولۍ له لارې پلورل شوي چې له امله يې د دولت په عوايدو کې د پام وړ زياتوالی راغلی دی.