د برښنا شرکت هرات کې له نورالجهاد څخه تر پُلهاشمي پورې د ۲۲۰ کېلو ولټ برښنا لېږد مزي غځولو پروژې عملي چارې پیل کړې.
د برښنا شرکت نن (دوشنبه، قوس ۱۷) پر اېکسپاڼه لیکلي چې تخنیکي ټیمونو یې د لومړنۍ سروې، تفصیلي سروې او د پایو د ځایونو له ټاکلو وروسته د مزي وروستی مسیر په بریالیتوب تثبیت کړی.
دغه شرکت زیاته کړې چې دامهال سیمه کې جیوتخنیک سروې روانه ده چې په کې کېندنې، د خاورې نمونو اخیستل او ازموینې شاملې دي، څو د بنسټونو لپاره ډاډمن ډیزاین ترسره شي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د برېښنا لېږد مزي غځونې دا پروژه د باثباته برښنا د تأمین لپاره حیاتي ارزښت لري.
د افغانستان برښنا شرکت ډاډ ورکړی چې دا پروژه به د نړیوالو معیارونو له مخې، په خپل ټاکلي وخت بشپړه کړي.