د کورنيو چارو وزارت مسوولان وايي چې په لومړي ځل يې په خوست ولايت کې د پوليس په نوم راډيو نشرات پيل کړل چې د رسنيز ډګر د پياوړتيا لپاره يو غوره ګام دی.
د کورنيو چارو وزارت د عامه اړيکو رییس عبدالحکیم همت اخندزاده وويل چې د پوليس راډيو فعاليت سره به د حکومتي ادارو او خلکو ترمنځ د يو پُل حيثيت ولري او ۲۴ ساعت به خپرونې ولرې.
هغه د خوست ولايتي ادارې له مسوولانو غوښتنه وکړه چې د ازادو رسنيو ترڅنګ دې د پوليس راډيو سره هم خپله همکاري نه سپموي چې څو د فرضي کرښې هغې غاړې خلکو ته هم خپل غږ ورسيږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د کورنيو چارو وزارت وياند مفتي عبدالمتين قانع بيا له رسنيو مننه وکړه چې په اوسني تبليغاتي جنګ کې د هېواد او اوسني نظام دفاع کوي.
د يادې راډيو پرانيستې مراسمو کې د خوست مرستيال والي محبوب شاه قانت وويل چې پوليس راډيو نشراتو په پيل سره د ازادو رسنيو ته يو پيغام شته چې اسلامي امارت د رسنيو ازادي ته ژمن دی.
هغه دغه راز وويل چې په خوست کې رسنی په ډېره ښه ډول خپل نشرات کوي. هغه وويل چې رسنۍ د ولس غږ په ښه ډول انعکاس کړی دی.
د معلوماتو له مخې، دامهال په خوست کې د ملي تلويزون په ګډون ۲۰ تصويري او غږيزې رسنۍ فعاليت کوي.
