پولنډ او د ناټو ځواکونو د روسیې له لوري پر اوکراین د هوايي برید پرمهال هغه بېپیلوټه الوتکې ویشتلي چې د پولنډ هوایي حریم ته داخلې شوې وې.
د پولنډ پوځ نن چهارشنبه، اګسټ لسمه ویلي چې د جګړې الوتکې په بېړنۍ توګه، الوت ته اړ شوې، هغه مهال چې د لسګونو ډرونونو یوه برخه د دې هېواد فضا ته ننوتلې.
دا لومړی ځل دی چې د پولنډ او ناټو ځواکونه په مستقیم ډول د جګړې په ترڅ کې ښکېل کېږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
اوکراین وایي، روسیې په قصدي ډول د لوېدیځ د غبرګون د ازموینې لپاره د پولنډ فضا نقض کړې ده. د کېیف د چارواکو په باور، مسکو هڅه کوي وښيي چې ناټو تر کومې کچې د خپلو غړو هېوادونو دفاع ته ژمن عملي کوي.
دغه پېښه د سیمې د امنیتي کړکېچ د لازیاتېدو وېره پارولې ده. د اروپایي ټولنې او ناټو چارواکو خبرداری ورکړی چې د غړو هېوادونو پر حریم هر ډول برید به د ګډو دفاعي ژمنو پربنسټ ځواب شي.