د پاکستان د بهرنیو چارو وزیر، اسحاق ډار، ویلي چې د امریکا د ولسمشر ډونالډ ټرمپ له لوري د غزې په تړاو اعلان شوی ۲۰ مادهییز پلان د هغو مسلماناکثریت هېوادونو له مسودې سره سمون نهلري چې وړاندې یې ګډه طرحه وړاندې کړې وه.
نوموړي د پاکستان د ملي شورا غړو ته په وینا کې څرګنده کړه: «ما روښانه کړې چې هغه ۲۰ ټکي چې ټرمپ یې اعلان کړي، زموږ نه دي. په هغه مسوده کې چې موږ درلوده، بدلونونه راوستل شوي دي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ټرمپ دا پلان د دوشنبې پر ورځ خپور کړ چې له مخې یې د اسراییلو او حماس ترمنځ جګړه پای ته رسېږي او ټول ژوندي او مړي برمته کسان باید د اوربند له ۷۲ ساعتونو دننه بېرته وسپارل شي.
د پاکستان د بهرنیو چارو وزیر ټینګار وکړ چې اسلاماباد به یوازې هغه طرحه ومني چې د مسلماناکثریت هېوادونو د ګډو هڅو پایله وي.