د خوست امنیه قومنداني مسوولان وايي چې دغه ولایت کې یې، د جعلي ویزو او دعوتنامو د جوړولو په تړاو یو کس نیولی دی.
د امنیه قومنداني له لوري په خپره شوې خبرپاڼه کې ویل شوي چې له جنایي جرمونو سره د مبارزې منسوبینو په خوست ښار کې هغه کس نیولی چې خلکو ته به یې، جعلي ویزې او دعوتنامې د اصلي په نوم پلورلې او له دې لارې یې له خلکو زرګونه ډالر اخیستي وو.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
خبرپاڼه زياتوي چې نيول شوي کس تازه له یوه هېوادوال څخه د روسیې جعلي دعوتنامې په بدل کې درې نیم زره او له يو بل کس څخه اته زره ډالر اخیستي و چې بالاخره د امنیتي ځواکونو لهخوا ونیول شو.
د نیول شوي کس دوسیه به د نورو اجراتو په موخه اړوندو ارګانونو ته وسپارل شي.