د هرات د اطلاعاتو او فرهنګ ریاست مسوولان وايي، تر دې مهاله له ایران څخه یو میلیون او ۵۷زره او۶۸۶ افغان کډوال د اسلامقلعه له لارې هېواد ته راستانه شوي دي.
د هرات د اطلاعاتو او فرهنګ رییس او د کډوالو د چارو د رسېدنې د کمیسیون د معلوماتو او عامه پوهاوي د کمېټې مسوول، احمدالله متقي وایي چې په سیمه توګه د بېرته راستنېدونکو ځا پر ځای کېدو لپاره د اسلامقلعه په پوله کې د دوو لنډمهاله کمپونو د جوړېدو چارې بشپړې شوې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
نوموړی زیاتوي چې په همدې موده کې ۱۹۲ مړي هم له ایران څخه افغانستان ته انتقال شوي دي.
بلخوا، د هرات د کار او ټولنیزو چارو ریاست چارواکي وایي چې تراوسه له ۱۵زرو ډېر راستانه شوي افغانان چې لوړې زدهکړې او مسلکي مهارتونه لري، په دې اداره کې ثبت شوي، څو د دوی لپاره د کار زمینه برابره شي.