اېنوېډیا چې د ټکنالوژۍ په برخه کې فعالیت کوي، د نړۍ په کچه تر ټولو ارزښتلرونکی شرکت پېژندل شوی دی.
یاد شرکت اپل او مایکروسافټ په څېر د نړۍ ستر شرکتونه شاته پرېښودل او د ټکنالوژۍ برخه کې د خپلو نوښتونو له امله د نړۍ غوره شرکت نومول شوی دی.
د سلاموطندار پښتو فېسبوکپاڼه وڅارئ
رویټرز خبري اژانس نن چهارشنبه، جون ۱۹مه راپور ورکړی چې د ګرافیک او د چېپ «میمريکارټونو» یاد تولیدي شرکت د بازار ونډه ۳.۵ سلنه لوړه شوې چې ورسره یې بازار کې ارزښت، ۳.۳۳۵ ټریلیون ډالرو ته رسېږي.
اېنوېډیا د چېپ جوړونې، ګرافیک او د ټکنالوژۍ په نورو برخو کې ارزښتلرونکي فعالیتونه لري چې له مصنوعي ځیرکتیا سره یې بازار نور هم ښه شوی دی.
د راپور پر بنسټ، د مایکروسافټ د بازار ارزښت ۳.۳۱۷ ټریلیون ډالره دی او ونډه یې ۰.۴۵سلنې ته راښکته شوی دی.
د امریکا د ایفون موبایلونو تولیدي شرکت اپل بیا د بازار ونډه ۱سلنه راکمه شوې چې ورسره یې بازار کې ارزښت دا مهال ۳.۲۸۶ ټریلیون ډالر دی.
د یاد شرکت د بازار ارزښت د تېرو نهو میاشتو پرمهال له یو میلیون ټریلیون ډالرو څخه دوه ټریلیون ډالرو ته لوړ شو، خو د تېرو درېوو میاشتو پرمهال یې بیا ارزښت درې ټرېلیون ډالرو ته رسېدلی دی.