د سویليکوريا د پوځ د ګډو ځواکونو دفتر نن چهارشنبه، اکتوبر ۲۲مه، په يوې خبرپاڼه کې ويلي چې د شماليکوريا پوځ يو «نامعلوم بالېستیک توغندی» د هېواد ختيځ لور ته توغولی دی.
له هغه وروسته چې د سویليکوريا نوی ولسمشر «لي جه ميونګ» په جون مياشت کې واک ته رسېدلی او د دواړو هېوادونو د اړيکو د ښه کېدو ژمنه يې کړې وه، دا د شماليکوريا لومړۍ توغندیزه ازموينه ده.
د راپورونو له مخې، دا توغنديزه ازموينه د اسيا او ارام سمندر د اقتصادي همکارۍ د سازمان (APEC) د غونډې له پيلېدو لږ وړاندې شوې ده.
ټاکل شوې چې یاده غونډه د اکتوبر پر ۳۱مه او د نومبر پر لومړۍ نېټه د سویليکوريا په جونجو ښار کې ترسره شي. تمه کېږي چې د امريکا ولسمشر ډونالډ ټرمپ هم په دې غونډه کې ګډون وکړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ټرمپ هيله څرګنده کړې چې ښايي سږکال د شماليکوريا له مشر «کيمجونګاون» سره يو ځل بيا وګوري. هغه د خپلې لومړۍ ولسمشرۍ پرمهال له کيم جونګ اون سره څو ځلې لیدلي دي.
بلخوا، د شماليکوريا مشر ويلي که امريکا له دې غوښتنې تېر شي چې شماليکوريا دې له خپلو اټومي وسلو لاس واخلي، نو هغه چمتو دی له واشنګټن سره خبرې بيا پيل کړي.
د روانې مياشتې په پيل کې شماليکوريا تر ټولو ځواکمن توغندي په يوه پوځي پرېډ (رژه) کې نندارې ته وړاندې کړل.
دا مراسم د شماليکوريا د نظام د جوړېدو د اتيايمې کليزې په مناسبت په پلازمېنه پيونګيانګ کې برابر شوي وو چې د روسيې او چين جګپوړو چارواکو هم په کې ګډون کړی وو.