شماليکوریا د نوي کال په پیل کې د خپلو لومړیو پوځي اقداماتو په ترڅ کې نن «یکشنبه، جنورۍ څلورمه» د خپل ختیځ ساحل له لوري څو بالستیک توغندي سمندر ته توغولي دي.
دا ازموینې په داسې حال کې شوې چې د سوېليکوریا ولسمشر د چین پر لور خپل رسمي سفر پیلاوه.
د سوېليکوریا د پوځ د معلوماتو له مخې، توغندي ځايي وخت شاوخوا د سهار په ۷:۵۰ بجې توغول شوي او نږدې ۹۰۰ کیلومتره واټن مزل یې کړی دی.
پوځ زیاته کړه چې سوېليکوریا او متحده ایالات د دغو توغندیو تخنیکي ځانګړتیاوې په دقت څېړي او په بشپړ چمتووالي کې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د امریکا د اسیا–پاسیفیک ځواکونو بیا ویلي چې دا توغندي د امریکا، د هغوی د متحدینو او یا سیمې لپاره سمدستي ګواښ نه ګڼل کېږي. جاپان هم راپور ورکړی چې لږترلږه دوه توغندي تر ۹۵۰ کیلومترو پورې الوتلي دي.
د جاپان د دفاع وزیر شینجیرو کویزومي ویلي چې د شماليکوریا اټومي او توغندیز پروګرام د سیمې او نړیوال امنیت لپاره د منلو وړ نه دی.