د اسراییلو لومړي وزیر بنیامین نتنیاهو غزه کې له سره صلیب غوښتنه کړې چې له حماس سره یرغمل شویو ته بېړنۍ مرستې ورسوي.
نتنیاهو د سره صلیب نړیوال سازمان سیمهییز مشر جولیان لیریسن سره د خبرو پرمهال پر هغه غږ کړی چې غزه کې د حماس له لوري یرغمل شویو ته خواړه برابر او طبي مرستې ورسوي.
بلخوا غزه کې د حماس ډله وايي، که اسراییل د دوی ځینې شرایط ومني، یرغمل شویو ته به د مرستو رسولو لاره هواره کړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
یادې ډلې زیاته کړې چې اسراییل باید غزې ته د بشر دوستانه مرستو لېږد لپاره ټولې لارې پرانیزي او د مرستو وېش پرمهال بریدونه ودروي.
د اسراییلي چارواکو په وینا، اوس مهال په غزه کې ۵۰ یرغمل شوي کسان پاتې چې یوازې ۲۰ یې ژوندي دي.
حماس تراوسه بشري سازمانونه د یرغمل شویو کسانو سره د هر ډول لاسرسي څخه منع کړي او کورنۍ یې د دوی د وضعیت په اړه لږ یا هېڅ معلومات نهلري.