د بهرنیو چارو وزارت سرپرست امیر خان متقي کابل کې د قطر سفارت شارژدافیر ډاکټر مردف القاشوطي سره لیدنه کې پر دوو اړخیزو اړیکو، د ډیپلوماټیکو اړیکو د کچې پر لوړولو او سیمهییزو مسایلو خبرې کړي.
د بهرنیو چارو وزارت تېره ورځ (شنبه، سرطان ۲۱) ویلي چې امیر خان متقي قطر سره د اسلامي امارت اړیکې مهمې بللي او ګڼو سیمهییزو او نړیوالو فورمونو کې یې د قطر د ملاتړي رول ستاینه وکړه.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ډاکټر مردف القاشوطي هم پر د دواړو هېوادونو اړیکې مخ پر وده وبللې.
هغه څو اړخیزو فورمونو کې د افغانستان د بهرنیو اړیکو د لا پراختیا په برخه کې د خپل هېواد د مثبت رول لوبولو په اړه چمتووالی څرګند کړی دی.
قطر له هغو هېوادونو دی چې د اسلامي امارت سرپرست حکومت سره نژدې اړیکې لري او تېرو څو کلونو کې یې د افغانستان د مسایلو حل کې منځګړی رول لوبولی دی.