امریکايي میلیارډر اېلن ماسک له ولسمشر ډونالډ ټرمپ غوښتنه کړې چې د هېواد پروړاندې لګول شوې تعرفې لغوه کړي.
واشنګټن پوسټ له خپلو دوو باخبرو سرچینو راپور ورکړی چې ماسک په دې تړاو ټرمپ ته په شخصي توګه اعتراض کړی دی.
د بنسټیزو سیاستونو په تړاو د ټرمپ او ماسک ترمنځ اختلاف د دوو نږدې ملګرو تر ټولو ژور اختلافات ګڼل کېږي.
ماسک د ولسمشر ټرمپ په ټاکنیزو کمپاینونو کې څه باندې ۲۹۰ میلیونه ډالر ولګول او له جنورۍ راهیسې د امریکا په «DOGE» اداره د لګښتونو د کمښت مشري پر غاړه لري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ماسک همداراز د متخصصو کډوالو لپاره د ځانګړو اېچ۱-بي ویزو او نورو موضوعاتو په تړاو هم د ټرمپ ډلې له غړیو سره د نظر اختلاف لري.
په ورته مهال اېلن ماسک روانه اوونۍ د سپینې ماڼۍ سوداګریز سلاکار پېټر ناوارو ته په خطاب کې ویلي: «له هاروارډ پوهنتون د اقتصاد دوکتورا لرل، نه یوازې ښه دی، بلکې بده هم کېدای شي.
ناوارو د ټرمپ له لوري د اعلان شویو تعرفو له جوړونکو دی.