د میدانوردګ ځايي مسوولان وايي، تېره ورځ د چک ولسوالي «بلندې» سیمه کې د ناچاوده سرګلولې چاودنې له امله د یوه ښوونځي پنځو زدهکوونکو ته مرګژوبله اوښتې.
د دغه ولایت د طبیعي پېښو پر ضد د مبارزې رییس مولوي فیضالله جلالي سلاموطندار ته وویل، پېښه د زدهکوونکو د بېاحتیاطۍ له امله رامنځته شوې چې په کې یو کس وژل شوی او څلور نور ټپیان دي.
د پېښې ټپيان د چک ولسوالي او د میدانوردګ ولایتي روغتون ته لیږدول شوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
جلالي د میدانوردګ له اوسېدونکو وغوښتل چې خپل ماشومان وهڅوي څو له ناچاوده توکو او تر ځمکې لاندې ماینونو شتون سیمو څخه لرې پاتې شي.
دا داسې مهال دی چې د میدانوردګ ولایت ولایتي ادارې تېره ورځ ویلي، د هېلو ټرست نړیوالې مؤسسې له لوري په سیداباد ولسوالي کې ۳۵ زره متره مربع ځمکه د ماینونو او ناچاوده توکو له شتون څخه پاکه شوه.