د تېرو درېوو میاشتو پرمهال د درېیم ځل لپاره له لبنان څخه د اسراییلو پر شمالي سیمو توغندي وېشتل شوي دي.
د اسراییلو پوځ وايي چې په یادو توغندیزو بریدونو کې چا ته زیان نهدی اوښتی.
د الجزیرې خبري شبکې نن شنبه، مارچ ۲۲مه راپور ورکړی چې اسراییلي هوايي ځواکونو د لبنان سوېل کې ځای ځای بریدونه کړي دي.
د اسراییلو دفاع وزیر اسراییل کاتز ویلي چې توغندي د لبنان پلازمېنې بیروت څخه د دوی پر لور وېشتل شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د اسراییلو پوځ خبرداری ورکړی چې د یادو توغندیزو بریدونو ځواب به ورکړي. دوی همداراز په یوې خبرپاڼه کې د لبنان حکومت د اوربند د هوکړې ساتلو مسوول بللی دی.
له دې وړاندې هم له لبنان څخه د اسراییلو پر لور توغندي وېشتل شوي دي.
له لبنان سربېره تېره اوونۍ له یمن څخه هم پر اسراییلو توغندي وېشتل شوي دي. د یادو توغندیزو بریدونو مسوولیت حوثي ډلې منلی او هغه یې، د امریکا د بریدونو په غبرګون کې ځواب بللی و.