د ملي دفاع وزارت مسوولان وايي چې د یاد وزارت اړوند د ۲۱۵ عزم قولاردو کې ۵۰ عرادې هاموې ټانکونه ترمیم شوي دي.
یاد وزارت نن سهشنبه، تلې ۲۹مه، پر خپله اېکسپاڼه لیکلي چې د ۲۱۵ عزم قولاردو د حمایه کنډک په ورکشاپ کې د تخنیکي او مسلکي پرسونل له لوري دغه ټانکونه بیاځلې ترمیم شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
یاد وزارت لیکلي: «په ۲۱۵ عزم قول اردو کې ۵۰ عرادې هاموې ټانګونه ترميم شول د ۲۱۵ عزم قول اردو اړوند د حمايه کنډک په ورکشاپ کې د تخنيکي او مسلکي پرسونل له لوري ۵۰ عرادې هاموې ټانګونه بياځلي ترمیم او ګټې اخيستنې ته چمتو شول.»
د ملي دفاع وزارت همداراز يادونه کړې چې تر دې وړاندې هم په دغه ورکشاپ کې سلګونه عرادې بېلابېل پوځي وسايط ترميم او د هېواد د دفاع لپاره چمتو شوي دي.